Gátlisti fyrir próf

Gott er að kynna sér almennar prófareglur fyrir prófatímabil sem og sértækar reglur á prófstað.

Upplýsingar um prófið eru yfirleitt í:

• námsáætlun námskeiðsins
• Canvas, til dæmis í tilkynningum frá kennara
• persónulegri próftöflu, ef við á

Athugaðu þetta fyrir prófið:

• hvar prófið fer fram?
• hvernig prófið er uppbyggt?
• hvað má taka með í prófið?
• Innskráning og lykilorð í Uglu.

Próf geta farið fram á mismunandi stöðum eftir námskeiði og prófformi.

• Flest skrifleg staðpróf eru haldin í byggingum á Háskólasvæðinu.
• Gott er að kynna sér staðsetningu prófstofu fyrirfram.
  • Kort af háskólasvæðinu
  • Yfirlitsmyndir af byggingum
• Samgöngur til og frá háskólasvæðinu

Fjarpróf

• Upplýsingar um framkvæmd fjarprófa má finna hér.

Heimapróf

• Heimapróf eru tekin utan prófstofu og nemendur hafa ákveðinn tíma til að skila svörum.

Próf geta verið með mismunandi fyrirkomulagi.

• Gagnapróf: Einnig kölluð „opin próf“. Kennari stýrir því hvort öll gögn eða aðeins tiltekin gögn megi fylgja nemendum í prófstofu.
• Gagnalaus próf: Einnig kölluð „læst“ eða „lokuð próf“. Nemanda er ekki heimilt að hafa nein gögn með í prófstofu.
• Próf á pappír: próf er tekið í prófstofu og svör skrifuð á prófblöð.
• Munnleg eða verkleg próf: nemandi svarar spurningum eða leysir verkefni fyrir kennara og/eða prófdómara.
• Próf í Inspera: getur verið læst með eða án fylgigagna, eða opið gagnapróf.
• Próf í Canvas: framkvæmd og fyrirkomulag er á vegum kennara.

Inspera er rafrænt prófakerfi Háskóla Íslands. Nemandi getur í langflestum tilfellum notað eigin tölvu fyrir Inspera-próf óháð því hvort um sé að ræða gagna- eða gagnalaus próf, en kerfið býður upp á að loka á önnur forrit og upplýsingar en það sem er heimilt í prófum.

• Læst Inspera-próf loka á önnur kerfi í tölvunni á meðan prófi stendur. Opin Inspera-próf leyfa notkun annars hugbúnaðs og aðgang að öllum gögn.
• Mikilvægt er að hafa lokið við að setja upp Inspera-vafrann (SEB) áður en Inspera-próf hefst.

Nemendur sem taka próf á Inspera-vafra standa til boða lánstölvur. Sé prófið á vegum prófaskrifstofu eru lánstölvur á prófstað og nemandi þarf einungis að gefa sig fram við prófvörslu sem útvegar lánstölvu. 

Háskólinn býður ýmis úrræði sem geta veitt stuðning í prófum, til dæmis:

• vegna námsörðugleika,
• fötlunar
• langvarandi veikinda
• eða prófkvíða

Sækja þarf um slík úrræði hjá Nemendaráðgjöf HÍ, fyrir 1. október á haustönn og 1. mars á vorönn. 

Foreldrar með barn á brjósti geta einnig sótt um úrræði sem tengjast brjóstagjöf í prófum.

Til að fá slíkt úrræði þarf að hafa samband við úrræðateymi nemendaráðgjafar.

Próf í Canvas eru alltaf á vegum kennara en ekki prófaskrifstofu. Nemandi ber ábyrgð á að upplýsa kennara um lengdan próftíma og úrræði.

Gott er að kynna sér hvernig skuli bregðast við veikindum á prófatíma og ef viðunandi einkunn er ekki náð.

Sjúkra- og endurtökupróf vegna haustmisseris eru haldin síðustu daga fyrir jól og fyrstu daga eftir áramót. Dagsetning miðast við hvenær upphaflega prófið var haldið.

Sjúkra- og endurtökupróf vegna vormisseris eru haldin á fjögurra til fimm daga tímabili í lok maí eða byrjun júní, samkvæmt nánari ákvörðun prófstjóra.