Prófatímabil geta verið krefjandi fyrir marga nemendur. Háskólinn býður ýmis úrræði sem geta veitt stuðning, til dæmis vegna námsörðugleika eða prófkvíða.
Námsráðgjöf
Náms- og starfsráðgjafar Háskóla Íslands bjóða nemendum ráðgjöf og aðstoð við nám. Með bættum vinnubrögðum og árangursríkri námstækni má draga úr álagi á próftímabilum og minnka líkur á streitu og kvíða.
Ef þú telur þig þurfa á aðstoð að halda í námi, af hvaða toga sem er, þá getur þú bókað viðtal hjá námsráðgjafa. Námsráðgjöf HÍ býður einnig upp á fræðsluefni um námsvenjur og prófundirbúning, þar á meðal örfyrirlestur um undirbúning fyrir próf.
Lengdur próftími
Ef þú þarft lengdan próftíma, til dæmis vegna prófkvíða eða annarra áskorana, þarf að gera sérstakan samning. Sjá nánar í Úrræði í námi.
Sálfræðiþjónusta
Nemendur sem vilja fá aðstoð, til dæmis við að vinna úr prófkvíða, geta bókað viðtal hjá Sálfræðiþjónustu HÍ með því að senda tölvupóst á salfraedingar@hi.is. Sálfræðiþjónustan heyrir undir Nemendaráðgjöf Háskóla Íslands (NHÍ) og er staðsett á 3. hæð Háskólatorgs.
Einnig er hægt að bóka sálfræðiráðgjöf hjá meistaranemum í klínískri sálfræði.