Nemakort strætó og aðrar samgöngur

Háskólinn hvetur nemendur og starfsfólk til að nýta vistvæna samgöngumáta í ferðum til og frá háskólasvæðinu, hvort sem er reiðhjól, rafskútur, strætó eða tvo jafnfljóta.

Strætókort með nemaafslætti

Háskólanemum býðst að kaupa fargjöld Strætó með nemaafslætti. Leiðbeiningar um hvernig þú virkjar afsláttinn og kaupir tímabilskort má finna á vef Klappsins.

Nemendum á landsbyggðinni er bent á upplýsingar á vef Strætó.

Strætó á háskólasvæðinu

• Strætisvagnar stoppa við flestar byggingar skólans.
• Á Háskólatorgi er skjár sem sýnir staðsetningu vagna í rauntíma ásamt komum og brottförum á stoppistöðvum Háskólans við Suðurgötu og Hringbraut.

Kynntu þér leiðakerfið og tímatöflur á vef Strætó.

Reiðhjól og rafskútur

Hjólastandar eru við allar byggingar skólans auk þess sem finna má yfirbyggt hjólaskýli við Lögberg og VR II sem og aðgangsstýrt hjólaskýli við Læknagarð. Staðsetningar hjólaskýla má einnig sjá á korti af háskólasvæðinu. Nemendur og starfsfólk í Læknagarði og Eirbergi geta óskað eftir aðgangi að hjólaskýlinu við Læknagarð í vefformi.

Við Háskólatorg, VR II og í Stakkahlíð er enn fremur að finna viðgerðastanda ef eitthvað smálegt þarf að laga á hjólinu þínu.

Göngu- og hjólastígakerfi höfuðborgarsvæðisins

Bílastæði og samnýting ferða

Þau sem koma á bíl á háskólasvæðið eru hvött til að samýta ferðir (e. carpooling) með vinum og kunningjum ef hægt er. Á Uglunni er hægt að sjá nánari útlistanir á þessum möguleika og mynda hópa um samnýtingu bíla.

Skráning og gjaldtaka gildir fyrir bílastæði á háskólasvæðinu.