Algeng vandamál með innskráningu

Týnt eða gleymt lykilorð

Hægt er að fá nýtt lykilorð gegn framvísun skilríkja á eftirtöldum stöðum:

• Hjá Þjónustuborði HÍ á Háskólatorgi (aðeins nemendur).
• Hjá Tölvuþjónustu Upplýsingatæknisviðs á Háskólatorgi.
• Í gegnum Lyklakippuna (lykilord.menntasky.is) með rafrænum skilríkjum.

Einnig er hægt að fá nýtt lykilorð sent í heimabanka eða í pósti á lögheimili en lykilorð eru hvorki send í tölvupósti né gefin upp í síma.

Nemendur sem sóttu um nám án rafrænna skilríkja geta fengið úthlutað nýju lykilorð í gegnum umsóknagáttina ef þau hafa aldrei skráð sig inn áður í Uglu. Valmöguleikann má finna undir "Yfirlit umsókna" eða "Notandanafn".

Tveggja þátta auðkennið er hætt að virka

Notandanafn finnst ekki

• Það tekur tvo tíma fyrir notandanafn að virkjast eftir að því er úthlutað/stofnað.
• Það þarf að skrifa @hi.is fyrir aftan notandanafnið (notandanafn@hi.is).
• Nemendur sem hætta í námi án þess að brautskrást eða sækja um leyfi frá námi missa aðganginn og þurfa því að virkja notandanafnið aftur í gegnum Umsóknagátt.
• Athugið hvort þið séuð ekki örugglega að skrá ykkur inn í gegnum Uglu (Ugla.hi.is) því Umsóknagáttin (ugla.hi.is/namsumsoknir) notar svipaða slóð.
• Yfirmaður starfsfólks ákveður hvort notandanafn helst opið eða hvort því sé lokað, oftast birtast skilaboð um að aðganginum hafi verið læst þegar viðkomandi skráir sig inn og það getur þýtt að yfirmaður hefur lokað honum.

Villa við innskráningu - "Við eigum í vandræðum með að skrá þig inn"

Það þarf að nota HÍ netfang við innskráningu í Uglu (notandanafn@hi.is).

Microsoft reynir að flýta fyrir innskráningu með því að velja sjálfkrafa notandanafn úr minninu á vafranum. Ef Microsoft aðgangurinn er persónulegur, vinnu eða aðgangur frá öðrum skóla þá munu birtast skilaboð "Við eigum í vandræðum með að skrá þig inn" (Sorry, but we're having trouble with signing you in).

Til þess að laga vandann þá þarf að eyða öllum Microsoft kökum (cookies) úr vafranum eða öllum kökum. Einnig er hægt að prufa annan vafra, opna "Incognito" eða "Private" glugga í vafranum eða setja upp mismunandi prófíla í Chrome, Edge, Firefox eða Safari 17+.

"Nánari upplýsingar nauðsynlegar"

Við fyrstu innskráningu birtast skilaboð "Nánari upplýsingar nauðsynlegar" (More information required). Hér er verið að biðja þig um að setja upp tveggja þátta auðkenningu.

Auðkenningin er ekki ósvipuð rafrænum skilríkjum og sendir tilkynningu í farsíma til að staðfesta innskráningu. Notendur þurfa ekki að staðfesta innskráningu þegar þeir eru tengdir háskólanetinu.