Stillingar fyrir Teams teymi

Eigendur hópa hafa aðgang að ýmsum stjórntækjum fyrir hópana.

Smellið á þrí-punktinn hjá teyminu og síðan á "Stjórna hópi". Hér að neðan útskýrum við lauslega hvað er að finna undir hvorum lið::

• Meðlimir (Members): Hér eru allir sem hafa aðgang að hópnum. Hægt að breyta hlutverki þeirra sem hafa aðgang. Bætt við og eyða meðlimum.
  • Ef bæta á aðilum utan HÍ við hópinn (og hópurinn er stofnaður sem "Gestir") þá þarf að slá inn fullt netfang aðilans. Stundum þarf að opna https://myaccount.microsoft.com/groups og bæta við ytri notendum þar.
• Beiðnir í bið (Pending requests): Hér er listi yfir þá sem hafa sótt um aðgang með því að smella á hlekkinn fyrir teymið. Hér eru þau samþykkt í hópinn eða neitað um aðgang.
• Rásir (Channels): Hver hópur er alltaf með eina sjálfgefna rás sem heitir „Almennt“. Hér er hægt að bæta við fleiri rásum og stilla þær sem fyrir eru.
• Undir "Stillingar" má finna eftirfarandi stillingar: 
  • Heiti hóps: Hér er hægt að breyta nafninu á hópnum.
  • Lás/Persónuvernd: Hér er stillt hvort eigendur geti bætt við notendum í hópin eða hvort hópurinn sé opin öllum innan Háskólans.
  • Hópmynd: Hér er hlaðið inn eða breytt táknmynd (notandamynd) hópsins.
  • Þátttakendaheimildir (Member permissions): Hér er stillt hvaða heimildir meðlimir hafa. Á t.d. venjulegur meðlimur að geta eytt skilaboðunum sínum?
  • Gestaheimildir (Guest permissions): Gestir eru þeir sem eru hluti af hóppnum en eru ekki með HÍ netfang.
  • @merkingar (@mentions): Hægt er að merkja alla í hópnum eins og t.d. með því að skrifa @team og svo skilaboð. Þá fá allir tilkynningu um ný skilaboð sem eru í hópnum. Hér eru stillt hvort leyfa eigi meðlimum að gera þetta fyrir allan hópinn eða einstaka rásir.
  • Kóði hóps (Team code): Hér er hægt að nálgast kóða fyrir hópinn sem hægt er að senda á notendur og þá fá þeir beinan aðgang í hópinn. Þá þarf ekki að samþykkja aðgangsbeiðnir heldur fara þeir beint inn í hópinn smelli þeir á kóðann. Þetta virkar ekki fyrir notendur utan HÍ.
  • Skemmtilegt efni (Fun stuff): Hér eru stillingar um hvort leyfa eigi GIF myndir, emoji, meme ofl. Oftast er þetta allt leyft til að hafa hópana skemmtilega.
• Greining (Analytics): Hér er að finna ýmsa tölfræði fyrir notkun á hópnum.
• Forrit (Apps): Hér er yfirlit yfir þau forrit sem hópurinn getur nýtt sér. Hægt er að bæta við fleiri forritum og eyða þeim sem fyrir eru.