Teams talhólf

Hægt er að taka upp sérsniðna talhólfs kveðju í Teams. Athugið að HÍ er með sjálfgefna kveðju á íslensku sem starfsfólk getur ekki sjálft tekið út og Teams spilar kveðju á ensku sem ekki er hægt að taka út.

Við mælum með að sem flestir noti Háskólatalhólfskveðjuna en ef nauðsynlegt þykir að hafa aðra kveðju á íslensku getið þið fylgt þessum leiðbeiningum. Kveðjan ykkar kemur þá á milli sjálfgefnu íslensku kveðjunnar og ensku kveðjunnar.

Þið getið sent fyrirspurn ef þið viljið láta taka sjálfgefnu íslensku kveðjuna út en því miður er það ekki hægt eins og er með ensku kveðjuna. 

Taka upp talhólfs kveðju

1. Smellið á þrípunktinn (...) uppi í hægra horninu í Teams og veljið "Stillingar" (Settings).
2. Veljið "Símtöl" (Calls) á vinstri valmynd og staðsetjið dálkinn "stjórna talhólfskilaboðum" (Manage voicemail.
3. Nú er komið að því að taka upp skilaboð. Smellið á "Taka upp kveðju" (Record custom greeting). Það spilast rödd sem leiðbeinir ykkur í gegnum ferlið:
4. Smellið á 1 til þess að taka upp almenn skilaboð. Ef smellt er á 2 þá eru tekin upp skilaboð sem spilast þegar viðkomandi er merktur fjarverandi (Out of office) í Teams/outlook:
5. Smellið nú á 1 til að taka upp skilaboð og smellið á # að upptöku lokinni.
6. Ef skilaboðin hafa heppnast má smella á 1. Ef upptakan heppnaðist ekki má smella á 2 til að taka skilaboðin aftur upp.
7. Að lokum er smellt á stjörnu til að hætta.

Talhólfskilaboðið mun spilast þegar talhólfið er virkt.

Talhólfsstillingar

Hægt er að stilla eftirfarandi stillingar fyrir talhólfið undir Stillingar (Settings)→Símtöl(Calls)→"Stjórna talhólfsskilaboðum" (Manage voicemail):

• Tungumál: Hér er mælt með að hafa sjálfvalið. Íslenska er ekki í boði.
• Virkni þegar símtal áframsent er í talhólf: Hér er hægt að velja hvað gerist þegar innhringjandi er vísað á talhólfið
• Sérsniðin kveðja: Hér birtist komma (,) sjálfkrafa. Það er ekki æskilegt að taka hana út nema ef viðkomandi vill að nafnið sitt sé lesið upp á bjagaðri ensku.

Undir "Meðhöndlun og flutningur símtala"(Call handling and forwarding) er valið hvort áframsent er á talhólfið þegar símtali er ekki svarað.

Fjarveru talhólfs stillingar

Undir "Stjórna fjarveruskilaboðum í talhólfi" (Manage out-of-office voicemail) er hægt að stilla hvenær fjarveruskilaboð eru spiluð.

• Alltaf
• Þegar kveikt er á sjálfvirkum svörum í Outlook
• Þegar ég er með fjarveru skráða í dagbókinni minni (viðburður merktur með "Fjarverandi" (out-of-office) í Outlook)

Undir sérsníðinn kveðja er mælt með að skrifa kommu (,) ef viðkomandi vill að nafnið sitt sé ekki lesið upp á bjagaðri ensku.