Nýtt starfsfólk - hagnýtar upplýsingar

Uppfærð Mars 18, 2026 09:39

Velkomin til Háskóla Íslands!

Við erum glöð að fá þig í hópinn og vonum að þér líði vel á nýja vinnustaðnum. Hér eru ýmsar gagnlegar upplýsingar sem munu hjálpa þér að aðlagast betur.

Notendanafn og netfang

Þegar þú hefur störf hjá HÍ færðu úthlutað notandanafni og netfangi sem þú notar í

Uglu
Smáuglu appinu
Tölvupósti
Office 365
Nettengingu

Ugla

Ugla er innri vefur Háskóla Íslands þar sem meðal annars er hægt að nálgast

Starfsmannakort

Starfsmannakort veitir þér aðgang að byggingum háskólans og prenturum. Starfsmannakort veitir einnig afslátt hjá samstarfsaðilum HÍ um veitingaþjónustu og öðrum tilboðum til starfsfólks HÍ. Kortið er eign Háskólans og á aðeins að vera notað af þeim sem því er úthlutað.

Til að óska eftir starfsmannakorti skal leita til mannauðsþjónustu viðeigandi sviðs.

Orri/Vinnustund

Vinnustund er tímaskráningarkerfi sem Háskóli Íslands notar. Allt starfsfólk fyrir utan akademískt, notar Vinnustund til að skrá sig í og úr vinnu. Það er hægt að gera í gegnum Uglu og snjallforritin Smáuglu og Smástund.

Persónuafsláttur og séreignarsparnaður

Til að nýta persónuafslátt hjá HÍ þarf að fylgja eftirfarandi leiðbeiningum:

Farið inn á vefsíðu Skattsins
Skráið ykkur inn með rafrænum skilríkjum
Finnið rammann „Laun og staðgreiðsla“ á forsíðunni
Veljið "Opna yfirlit"
Veljið „Sækja yfirlit til launagreiðanda“ sem er vinstra megin á síðunni
Sendið pdf skjalið „Yfirlit laungreiðanda“ til launadeildar á laun@hi.is með upplýsingum um hvaða % af persónuafslættinum þið viljið nota.

Ef þú vilt nýta séreignarsparnað, skráir þú HÍ sem launagreiðanda hjá séreignasjóðnum þínum.

Stéttarfélög og aðildarsamtök

Stéttarfélög og aðildarsamtök bjóða upp á ýmsa styrki t.d. fyrir líkamsrækt, heilsumeðferðum og starfsþróun. Aðild í stéttarfélagi er tilgreind á ráðningarsamningi.

Akademískt starfsfólk

Undir akademískt starfsfólk teljast prófessorar, dósentar, lektorar, vísindamenn, fræðimenn og sérfræðingar.

Gagnlegir hlekkir

Alþjóðlegt starfsfólk

International Staff Services veitir aðstoð við dvalar- og atvinnuleyfisumsóknir starfsfólks HÍ og atvinnuleyfi nemenda vegna tímabundinnar vinnu við HÍ. Einnig veita þau aðstoð við skráningu íbúa frá löndum innan EES á Íslandi.

Gagnlegir hlekkir

Matur

Starfsfólk hefur aðgang að niðurgreiddum mat, ýmist með lægra verði eða afslætti á fjölbreyttum matsölustöðum á svæðinu.

Í öllum byggingum skólans eru kaffistofur fyrir starfsfólk þar sem boðið er upp á kaffi, te og vatn.

Deilibílar og rafmagnshjól

Starfsfólki HÍ stendur til boða afnot af rafbifreiðum og rafmagnshjólum til að sinna vinnutengdum erindum á vinnutíma á höfuðborgarsvæðinu. Vinsamlegast lesið reglur um notkun..

Félagslíf

Starfsfólki HÍ býðst að taka þátt í fjölbreyttu félagslífi allt skólaárið, með ýmsum viðburðum og uppákomum sem auglýst eru í Uglu.

Þjónustuborð

Þjónustuborð HÍ á Háskólatorgi aðstoðar og þjónustar starfsfólk og nemendur við ýmis konar hluti. Þar er til dæmis hægt að kaupa aðgang að íþróttahúsinu, fá afhenta lykla að deilibíl og rafmagnshjóli, bóka kennslustofur fyrir annað en kennslu og fá aðstoð vegna gistiaðstöðu fyrir fræðafólk á Sögu.

Háskólasvæðið

Annað

Gott er að kynna sér einnig

Við vonum að þessar upplýsingar hjálpi þér að aðlagast nýja vinnustaðnum og njóta þess að starfa hjá Háskóla Íslands.

Samgöngusamningur

Starfsfólk sem hefur undirritað ráðningasamning við HÍ og er í a.m.k. 20% starfshlutfalli gefst kostur á að gera samgöngusamning við skólann.

Samgöngusamningurinn felur í sér að starfsfólk skuldbindur sig til að ferðast til og frá skólanum með vistvænum hætti að minnsta kosti tvisvar í viku (í 40% tilvika). Samningurinn er gerður til eins árs í senn.

Með vistvænum ferðamáta er átt við annan ferðamáta en akstur á einkabíl, t.d. gangandi, á hjóli (venjulegt eða rafmagnshjól/hlaupahjól) eða með almenningssamgöngum.

Starfsfólk sem óskar eftir samkomulagi um vistvænan ferðamáta er:

skráð með aðgang að íþróttahúsi þeim að kostnaðarlausu
skráð hjá Strætó þannig að afsláttur virkjast í Klapp appinu. Hlutur starfsfólks er þá 35.999 kr. (í stað 112.000 kr.). Ef kaupa á árskort í landsbyggðarstrætó er hægt að sækja um endurgreiðslu að fjárhæð 56.100 kr.

Gera samgöngusamning

Kaupa fargjöld með starfsmannaafslætti

Frekari upplýsingar og aðstoð

Mannauðssvið
mannaudur@hi.is

Kjara og launadeild
laun@hi.is
mán-fös 10:00-15:00
525-4390