Gistiaðstaða fyrir fræðafólk

25m2 herbergi með hjónarúmi og sérbaðherbergi.

Aðgangur er að sameiginlegu eldhúsi og þvottahúsi á hæðinni. 

25m2 herbergi með tveim einbreiðum rúmum og sérbaðherbergi.

Aðgangur er að sameiginlegu eldhúsi og þvottahúsi á hæðinni.

25m2 herbergi með lítilli eldhúsinnréttingu, hjónarúmi og sérbaðherbergi. Möguleiki á samtengdu herbergi (+25m2) fyrir gistingu fyrir allt að 4 einstaklinga. Sameiginlegt þvottahús er á hæðinni. Forgangur er fyrir lengri dvalir í þessari tegund herbergja og er þar miðað við lágmark 2 vikur.

Hægt er að hafa opið á milli í samtengt herbergi.

Fræðasvið HÍ fá 25% afslátt af næturgjaldi.

Aðgangi að herbergjum er stýrt með lyklakortum sem gestir/tengiliðir fá afhent í upphafi leigutíma. Mikilvægt er að taka lyklakortið með ef herbergið er yfirgefið, til að læsast ekki úti.

• Lyklakortin eru afhent á Þjónustuborðinu Háskólatorgi á opnunartíma (mán - fim 8:30 - 16:00 og fös 8:30 - 15:00)
• ef gestur getur ekki nálgast kortið er það á ábyrgð tengiliðs innan HÍ að sækja það og koma því til gestsins.
  • Í anddyri Sögu eru nokkur lyklabox sem tengiliðir geta nýtt til að koma lyklum til gesta. Á Þjónustuborðinu geta tengiliðir fengið úthlutað lausu lyklaboxi. Athugið að lyklaboxin eru aðeins ætluð til að koma lyklum til gesta en ekki til notkunar fyrir þá á meðan á dvöl stendur og þurfa tengiliðir að upplýsa gestina um það.

Hægt er að skila lyklum í box á herbergjaganginum að dvöl lokinni.

• Ef gestur hefur afhent tengilið lyklakort við brottför er tengiliðurinn beðinn um að koma því á Þjónustuborðið Háskólatorgi við fyrsta tækifæri.

Ef gestur hefur týnt lyklum að herbergi eða er læstur úti að öðrum ástæðum er hægt að hafa samband við eftirfarandi aðila eftir aðstæðum:

• á almennum skrifstofutíma er hægt að hafa samband við Þjónustuborðið Háskólatorgi (mán-fim 8:30-16:00, fös 8:30-15:00) sími 525-4000
• virka daga milli 16:00 og 22:00 og laugardaga milli 7.30 og 17:00 er hægt að hafa samband við vakthafandi umsjónarmann í síma 834-6512
• á öðrum tímum er hægt að hringja í Öryggismiðstöðina í síma 530-2400 en gestur þarf þá að bera kostnað af útkallsgjaldi öryggismiðstöðvar.

Notið inngang sem snýr í norður í átt að Landsbókasafni. Gestir fá aðgangskort til að komast inn úr anddyri að lyftugangi. Herbergin eru á 3. hæð norðurálmu (til hægri þegar komið er úr lyftu).

Gestir sem greiða sjálfir fyrir gistingu fá sendan greiðsluhlekk þegar þau koma, en einnig er hægt að greiða á Þjónustuborðinu Háskólatorgi á meðan á dvöl stendur.

Kostnaður á viðfangsnúmerum HÍ er millifærður mánaðarlega hjá reikningshaldi eftir að leigu lýkur.

Ef stofnun utan Háskólans greiðir fyrir herbergið þarf að senda upplýsingar í tölvupósti á gestaibudir@hi.is og taka fram:

• fullt nafn greiðanda
• kennitölu (ef við á)
• heimilisfang
• netfang sem senda á reikning á
• aðrar upplýsingar sem óskað er eftir að komi fram á reikningi

Öll samskipti vegna reikninga fara fram í gegnum gestaibudir@hi.is.

• Herbergin eru öll á 3. hæð í norðurálmu Sögu. Þau eru öll tveggja manna með sérbaðherbergi og litlum ísskáp. Sex herbergi eru með lítilli eldhúsinnréttingu og möguleika á samtengdu herbergi.
• Á hæðinni er sameiginlegt eldhús og sameiginlegt þvottahús, en þar er að finna þvottavél, þurrkara, straujárn, strauborð og fleira gagnlegt til afnota á meðan á dvöl stendur.
• Þráðlaust net er innifalið og rúter er að finna í öllum herbergjum - það er einnig rúter í sameiginlegu eldhúsi sem allir hafa aðgang að.

Það er SSID og lykilorð á rúterum í öllum herbergjunum.

Ef gestur nær ekki samband við rúter sem er staðsettur í herberginu, né þann sem er í sameiginlegu eldhúsi, er hægt að senda póst á gestaibudir@hi.is og fá uppgefið SSID og lykilorð á þeim rúter sem er staðsettur næst þínu herbergi.

Saga hússins og uppsetning er slík að hugrenningartengsl okkar allra eru sterk til hótelreksturs. Við reynum að bjóða upp á sem flest þægindi fyrir gesti á herbergjunum, en eðli leigunnar á meira skylt við íbúðir sem leigðar eru með húsgögnum.

Gestir sjá sjálfir um þrif á meðan á dvöl stendur og hafa aðgang að eldhúsi og þvottahúsi.

Fyrir lengri dvöl er hægt að óska eftir þrifum gegn gjaldi.

• Herbergin eru ætluð sem gistiaðstaða fyrir fræðafólk sem kemur til samstarfs við háskólann í stuttan tíma.
• Tengiliður (starfsmaður sem bókar) ber ábyrgð á því að gestir fái allar nauðsynlegar upplýsingar.
• Ef gestur kemur utan opnunartíma þjónustuborðs er það einnig á ábyrgð tengiliðs að afhenda gestum lykla.
• Ef gestur fer án þess að greiða eða afbókar með minna en 4 vikna fyrirvara er fyrst haft samband við tengilið vegna greiðslu.

Stofnanir utan HÍ sem áður höfðu afnot af gestaíbúðum HÍ hafa einnig afnot af herbergjum á Sögu og gefa þá upp kennitölu og heiti stofnunar í stað viðfangsnúmers við bókun.

Ef eitthvað er bilað í herberginu sendu þá póst á gestaibudir@hi.is

Ef það er alvarleg bilun:

• á dagvinnutíma skal hringja í Þjónustuborðið í síma 525-4000                   
• virka daga milli 16:00 og 22:00 og laugardaga milli 7.30 og 17:00 er hægt að hafa samband við vakthafandi umsjónarmann í síma 834-6512

Ef þú vilt koma á framfæri kvörtun eða ábendingu varðandi aðstöðuna á Sögu sendu okkur þá vinsamlegast tölvupóst á gestaibudir@hi.is.