Háskóli Íslands býður upp á leigu á kennslustofum og sölum fyrir ýmsa viðburði utan kennslutíma.
Til að bóka stofu eða sal þarftu að fylla út beiðni og ganga úr skugga um að allir stjörnumerktir reitir séu útfylltir. Einnig að búið sé að haka við skilmála.
Athugið að ef bóka á fleiri en eitt skipti, skráið þá fyrstu dagsetninguna og takið hinar fram í lýsingu.
Bókunarbeiðni jafngildir ekki staðfestri bókun og telst ekki gild fyrr en staðfesting hefur borist.
Bókunartímabil
Hægt er að leigja flestar stofur í HÍ en deildir HÍ hafa forgang á stofubókanir og því er takmörkunum háð með hve miklum fyrirvara er hægt að bóka stofur.
- Fyrir vormisseri er byrjað að bóka eftir 20. desember
- Fyrir haustmisseri er byrjað að bóka eftir 20. ágúst
Beiðnir þurfa að berast með að minnsta kosti 2-3 virkra daga fyrirvara.
Tími fyrir undirbúning og frágang er hluti af bókuninni og þarf því að vera innan bókaðs tíma.
Athugið að ekki er hægt að bóka stofur eða sali á prófatíma. Tímabil prófa er að finna í Kennslualmanakinu.
Hagnýtar upplýsingar áður en þú bókar
Hátíðarsalur í Aðalbyggingu
Hátíðarsalur er eingöngu leigður til starfsfólks Háskóla Íslands.
Grunngjald er 40.500 kr. fyrir fyrstu tvær klukkustundirnar sem salurinn er leigður en hver klukkustund umfram það kostar 13.800 kr.
Litla torg
Fastráðnu starfsfólki HÍ, FS og tengdra stofnana stendur til boða að leigja salinn Litla Torg fyrir einkasamkvæmi.
- Hægt er að leigja salinn til kl. 21:00 á virkum dögum og til kl 17:00 á laugardögum. Ef óskað er eftir leigu utan opnunartíma bygginga þarf að greiða fyrir opnun og lokun á byggingu.
- Leiga fyrir allt að 4 klst. er 40.000 kr. og 80.000 kr. fyrir allt að 8 klst.
- Veitingar skal kaupa af Hámu sem er með veitingaleyfi í húsnæðinu.
- Leigutaki ber ábyrgð á frágangi og þrifum salarins. Ef óskað er, getur rekstur fasteigna útvegað ræstingarfólk.
Nemendur geta bókað stofu einu sinni í viku á virkum dögum í allt að 3 klukkustundir vegna hópavinnu (sameiginlegt skilaverkefni).
Það sem þarf að koma fram í lýsingu í bókunarbeiðninni er:
- hverjir skipa hópinn
- númer námskeiðs
Einnig er hægt að bóka hópavinnuherbergi á Þjóðarbókhlöðunni. Bókanir eru gerðar á bókunarsíðu Landsbókasafns Íslands.
Nemendafélög og önnur félög nemenda innan HÍ
Outlook
Aðilar utan HÍ geta óskað eftir að bóka stofur og sali.
Áður en þú bókar
- Fylla út alla stjörnumerkta reiti og að haka við skilmálana.
- Taka fram í lýsingu ef um fleiri dagsetningar er að ræða.
Bókun telst ekki gild fyrr en staðfesting hefur borist
Algengar spurningar um bókun kennslustofa
Skrifstofur sviða/deilda sjá um að bóka öll regluleg námskeið samkvæmt kennsluskrá og einstaka fundi á vegum deilda HÍ.
Upplýsingar um stofur og sætafjölda má finna á heimasíðu HÍ.
Það þarf ekki að greiða fyrir einstaka fundi eins og t.d. deildarfundi og nefndarfundi sem tengjast starfi sviða/deilda HÍ.
Það þarf að greiða fyrir vinnu umsjónarmanna ef þörf er á aðstoð þeirra á meðan eða eftir að fundum lýkur.
Miðað er við að fundir sem þessir séu
- á virkum dögum
- ekki oftar en einu sinni í viku
- staðsettir í einni stofu/fundarherbergi
- og taki innan við þrjár klukkustundir.
Ef bókanir eru fleiri en ein stofa vegna sama viðburðar í sömu viku skal greitt fyrir báðar/allar bókanir.
Aðilar innan HÍ geta óskað eftir streymisþjónustu í gegnum Uglu.
Ef utanaðkomandi aðili óskar eftir streymisþjónustu þarf að hafa samband við fyrirtækin Exton eða Luxor, sem veita slíka þjónustu.
Fyrir veitingar á Háskólatorgi skal hafa samband við Hámu. Matseðil og pöntunarform er að finna á heimasíðu þeirra.
Fyrir veitingar í Veröld skal hafa samband við Súpustöðina.
Fyrir veitingar í Eddu skal hafa samband við kaffihúsið Ými.
Í öðrum byggingum er heimilt að versla við aðra veitingaaðila.
Gjaldskrá fyrir leigu á kennslustofum – grunngjald miðast við fyrstu 2 klukkustundirnar.
| Fjöldi sæta | Grunngjald | Hver klukkustund umfram tvær |
|---|---|---|
| 19 eða færri | 9.200 kr. | 3.500 kr. |
| 20–29 | 11.500 kr. | 4.600 kr. |
| 30–39 | 13.800 kr. | 5.800 kr. |
| 40–59 | 16.100 kr. | 6.900 kr. |
| 60–89 | 23.000 kr. | 9.200 kr. |
| 90–119 | 28.800 kr. | 10.000 kr. |
| 120–149 | 33.000 kr. | 11.500 kr. |
| 150–200 | 40.500 kr. | 13.800 kr. þ.m.t. Hátíðasalur |
| 201–300 | 52.000 kr. | 17.300 kr. |
Bókanir um helgar bera 20% álag.
Ef bókun er vegna starfsemi á vegum Háskóla Íslands er veittur 25% afsláttur af gjaldskrá.
Gjald vegna útkalls umsjónarmanna bygginga
Vaktir umsjónarmanna eru til kl. 21:00 á virkum dögum og til kl. 17:00 á laugardögum.
Útkallsgjald er samkvæmt gjaldskrá Framkvæmda- og tæknisviðs Háskóla Íslands, sem annast einnig innheimtu þess.
Fyrir útkall greiðast að lágmarki 50.000 kr. fyrir allt að fimm klukkustundir, til viðbótar gjaldinu vegna stofuleigunnar sjálfrar. Fyrir hverja klukkustund umfram þann tíma bætast við 10.000 kr.
Ábyrgðarmaður bókunar þarf alltaf að senda póst á umsjónarmenn með góðum fyrirvara til að láta vita ef bókun er umfram almennan vakttíma.
Almennt er ekki leyfilegt að bóka stofur á sunnudögum eða almennum frídögum en ef undanþága til bókunar er gefin leggst útkallsgjald á allar slíkar bókanir.