Fyrstu skrefin í námi

Velkomin í Háskóla Íslands! Hvort sem þú ert að stíga þín fyrstu skref í háskólanámi eða að koma til okkar frá öðrum háskóla eru hér nokkur mikilvæg atriði til að huga að:

1. Úthlutaðu þér notandanafni og lykilorði
   Ef þú hefur ekki þegar úthlutað þér notendanafni og lykilorði skaltu byrja á því inni á Umsóknagáttinni. Með notandanafni fylgir netfang þar sem þú færð tilkynningar frá skólanum.

   Notkun HÍ netfangs

   Vegna auðkenningar er mikilvægt að temja sér að nota HÍ netfangið í samskiptum við skólann.

2. Nýnemakynningar
   Í upphafi háskólaársins á haustin eru haldnir nýnemadagar og fræðasvið háskólans bjóða upp á sérstakar nýnemakynningar fyrir sína nemendur.
3. Stundatöflur og kennsluáætlanir
   Stundatöflur eða drög að þeim er að finna á heimasíðu Háskólans en persónulega stundatöflu geturðu nálgast í Uglan mín í upphafi misseris. Lestu fleira um stundatöflur hér.
   Upplýsingar um námskeið frá kennurum og kennsluáætlanir færðu svo inn á kennsluvef Canvas, en hann finnurðu með því að smella á námskeiðið í Uglu. 
4. Námskeiðaskráning
   • Fyrstu dagana á hverju misseri getur þú breytt námskeiðaskráningu þinni á Uglu. Mikilvægar dagsetningar því tengt er að finna í Kennslualmanaki HÍ.
   • Athugaðu að það getur tekið allt að sólarhring fyrir stundatöfluna þína að uppfærast þegar þú breytir námskeiðaskráningunni þinni.
5. Kennslubækur
   • Bókalista er að finna á námskeiðsvef í Kennsluskrá eða í kennsluáætlun á Canvas.
   • Í Bóksölu stúdenta er hægt að kaupa bækur og háskólavörur.
   • Bókasöfn á háskólasvæðinu geta einnig verið með hjálpleg uppflettirit og ítarefni.
   • Nemendur hafa aðgang að ýmsum gagnasöfnum og rafrænum bókum án endurgjalds í gegnum VPN-tengingu háskólans. 
6. Finndu kennslustofur
   Í stundatöflu er kennslustofa táknuð með skammstöfun byggingar og númeri þeirrar stofu sem námskeið er kennt. Upplýsingar um byggingar háskólans er að finna á heimasíðu HÍ, en þar geturðu séð ekki aðeins staðsetningu byggingar á korti heldur einnig yfirlitsmynd af byggingunni sjálfri sem sýnir staðsetningu hverrar stofu.
7. Kynntu þér þjónustu Stúdentaráðs
   Á heimasíðu Stúdentaráðs er að finna lista yfir öll nemendafélög sem nemendur geta skráð sig í og einnig hagnýtar upplýsingar um réttindi nemenda.
8. Kynntu þér þjónustu Nemendaráðgjafar HÍ. Þau bjóða upp á ýmis konar ráðgjöf, úrræði í námi og prófum, sálfræðiþjónustu, námskeið og fleira.