Náms- og starfsráðgjöf

Innan Nemendaráðgjafar HÍ (NHÍ) starfa náms- og starfsráðgjafar sem veita meðal annars upplýsingar um nám og ráðgjöf um námsval. Náms- og starfsráðgjafar sjá einnig um að halda námskeið, til dæmis um námstækni og lokaverkefni, og veita nemendum ráðgjöf og stuðning meðan á námi stendur. Ef þig vantar aðstoð með námsval þá getur þú bókað viðtal við ráðgjafa á bókunarvef. Skráning og greiðsla fyrir námskeið fer fram á Þjónustuborðinu Háskólatorgi.

Nemendur sem þurfa sérstök úrræði í námi leita einnig til Nemendaráðgjafar HÍ - sjá Aðstoð í námi

Tengslatorg

Inn á Tengslatorgi Háskóla Íslands finna nemendur ýmiskonar starfstækifæri. Þar eru auglýst

• hlutastörf
• sumarstörf
• framtíðarstörf
• tækifæri til starfsþjálfunar hjá deildum innan HÍ

Markmið Tengslatorgs HÍ er að vera samstarfsvettvangur skóla og vinnumarkaðar þar sem lögð er áhersla á starfsþróun og starfshæfni háskólanema.