Nemendur geta skoðað stundatöfluna sína á innri vefnum Uglu, undir Uglan mín → Stundataflan mín. Þessa stundatöflu má líka nálgast í SmáUglunni.
- Stundatöflum námskeiða getur þú flett upp með því að nota námskeiðaleit í kennsluskrá.
- Það getur verið mismunandi eftir deildum og námskeiðum hvenær stundatafla er birt. Á meðan getur þú fundið drög að stundatöflum á heimasíðu háskólans og á heimasíðum deilda.
Staðsetning kennslustofa er táknuð á stundatöflu með skammstöfun byggingar og númeri þeirrar stofu þar sem námskeið er kennt. Staðsetningar og yfirlitsmyndir bygginga háskólans er að finna hér.
Skammstafanir í stundatöflum
Á stundaskrám eru ýmsar skammstafanir. Er þar helst að nefna:
- f = fyrirlestur
- d = dæmatími
- s = stoðtími
- v = verklegt
Einnig eru skammstöfuð heiti bygginga. Í drögum að stundatöflum eru skammstöfuð nöfn kennara.
Hópaskipting og dæmatímar
Stundatafla í Uglu sýnir viku fyrir viku allar kennslustundir þeirra námskeiða sem nemandi er skráður í. Þar með talið eru allir dæmatímar og verklegir tímar í fjölmennum námskeiðum þar sem nemendum er skipt í hópa. Hópar eru númeraðir á stundatöflu (d1, d2, v1, v2, h1, h2 o.s.frv.). Þetta veldur því að stundatöflur virðast þéttari en þær eru í raun fyrir hvern nemanda.
Þegar þú veist í hvaða hóp þú ert geturðu smellt á þá tíma/hópa sem þú tilheyrir ekki og valið að fela þá á stundatöflu.
Hópaskipting er yfirleitt tilkynnt á kennsluvef námskeiðs í fyrstu kennsluviku.
Ef um árekstra er að ræða milli námskeiða er ekki hægt að laga það nema með því að breyta námskeiðavali. Athugaðu þó fyrst eftirfarandi:
- Í sumum námskeiðum eru hópaskiptir tímar þar sem möguleiki er að skipta um hóp.
- Það er almennt ekki mætingaskylda í tíma við háskólann. Það getur verið gott að ræða við kennara og kynna sér vel kröfur námskeiðsins til að meta hvort hægt sé að sitja námskeið þrátt fyrir árekstra í stundatöflu áður en þú tekur ákvörðun.
- Ef þú breytir námskeiðaskráningu þá er mikilvægt að hafa í huga að stundatafla í Uglu uppfærist ekki um leið og námskeiðaskráning. Það getur tekið nokkrar klukkustundir fyrir breytingarnar að koma fram.
- Athugaðu hvort þú ert að skoða rétta viku. Stundataflan í Uglu sýnir eina viku í senn.
- Athugaðu námskeiðaskráninguna þína. Ef skráning er nýlega vistuð geta liðið nokkrar klukkustundir áður en breytingar að birtast í stundatöflu.
- Ef það hefur ekki verið birt stundatafla í Uglu geturðu farið á heimasíðu HÍ og skoðað drög að stundatöflum deilda og fræðasviða.