Tölvubúnaður starfsfólks

Tölvubúnaður sem og nettenging og símanúmer á að vera til staðar þegar fólk hefur störf og er það á ábyrgð næsta yfirmanns að sjá um að svo sé. Vinnuaðstaða er oft í opnu rými og eru flest fundarherbergi bókanleg í dagbókinni í Outlook. Nálægt opnu vinnurými er oft næðisaðstaða.

• Síminn er í tölvunni í gegnum Teams. Yfirmaður sér til þess að þú fáir heyrnartól með hljóðnema.
• Tölvan er leigubúnaður sem er afhent uppsett með Windows og er endurnýjuð á fjögurra ára fresti.
• Með notandanafni starfsfólks fylgir Microsoft 365 aðgangur sem inniheldur aðgang að tölvupósti í Outlook, gagnageymslu í OneDrive og Sharepoint, hópvinnukerfi í Teams, office pakkann og fleira.
• Prentarar fyrir starfsfólk eru til staðar í öllum byggingum og eru flestir tengdir með skýjalausn. Í einstaka tilfellum er prentari tengdur vinnustöð settur upp sérstaklega á þína tölvu.

Ef upp koma vandamál með net-, síma- eða tölvubúnað sendið beiðni á þjónustugátt Upplýsingatæknisviðs. Notendaþjónusta upplýsingatæknisviðs veitir einnig aðstoð frá kl. 8-16 alla virka daga í síma 525-4222.

Hvernig byrja ég að nota nýju tölvuna?

Eftirfarandi þarf eingöngu að gera í fyrsta sinn sem þú skráir þig inn í tölvuna. 

Nauðsynlegt er að tengjast háskólanetinu þegar þú skráir þig inn á tölvuna í fyrsta skipti.

1. Ræstu upp tölvuna 
2. Veldu “hnattar” 🌐 merkið niðri í hægra horninu.
3. Finndu “Eduroam” í listanum yfir þráðlausar nettengingar sem eru í boði og veldu “Connect”.
4. Sláðu inn netfangið þitt (notandanafn@hi.is). 
5. Sláðu inn Uglu lykilorðið þitt og ýttu á OK.  
6. Veldu “Other user” niðri í vinstra horninu. 
7. Sláðu inn notandanafnið þitt og lykilorð. 

Núna er tölvan þín tengd og tilbúin til notkunar. 

Uppsetning á hugbúnaði

Starfsfólk getur sett upp hugbúnað sjálft ef hann er í boði í gegnum Microsoft Store eða Software Center sem er uppsett á öllum leiguvélum. Ef hugbúnaðurinn krefst stjórnunarréttinda (admin) til þess að klára uppsetninguna þá er hægt að senda inn beiðni til Upplýsingatæknisviðs og í framhaldi fengið aðstoð með uppsetningu.

Ef starf þitt er þess eðlis að þú þarft stjórnendaréttindi (admin) á leiguvélina þá er hægt að sækja um slíkan aðgang hjá Upplýsingatæknisviði. Í framhaldi verður þér sent eyðublað sem þarf að fylla út og senda til baka með undirritun yfirmanns. Eftir það mun þinn þjónustufulltrúi hjá UTS setja sig í samband við þig og ganga frá uppsetningu stjórnendaréttinda á leiguvélina.

Fær starfsfólk farsíma?

Almennt greiðir HÍ ekki fyrir farsíma starfsfólks. Ef þú telur að þú þurfir að fá úthlutað síma frá skólanum til að get sinnt þínu starfi þarftu að rökstyðja það og fá samþykki yfirmanns. Frekari upplýsingar um innkaup vöru og verklag er að finna á Uglu.