Stundakennarar við HÍ eru fjölbreyttur hópur með mismikla ábyrgð. Því geta ekki allar upplýsingar átt við alla. Mikilvægt er að:
- Hafa skýrar boðleiðir til umsjónarkennara eða deildar.
- Leita til kennslu- og nemendaþjónustu viðkomandi sviðs ef þörf krefur.
Áður en kennsla hefst
Kennslumiðstöð HÍ býður upp á kynningardaga fyrir nýja kennara, þar sem farið er yfir helstu þætti kennslunnar og stuðning sem kennurum stendur til boða. Nýir kennarar eru hvattir til að mæta. Kennslumiðstöð veitir einnig ráðgjöf og hledur námskeið í kennslufræðum.
Deildarskrifstofur útvega nýju starfsfólki notandanafn og lykilorð til að fá aðgang að innri kerfum Háskóla Íslands. Helstu kerfi eru:
- Ugla (innri vefur HÍ)
- Canvas (námsumsjónarkerfi) - Öll námskeið eru með kennsluvef þar sem fram fer efnisbirting, verkefnaskil, endurgjöf og fl.
-
Inspera er rafrænt prófakerfi fyrir skrifleg próf.
- Hægt er að hafa próf i opnu eða lokuðu kerfi.
- Frekari upplýsingar um Inspera er hægt að finna í Uglu.
Einnig veitir notandanafnið og lykilorðið aðgang að ýmsum öðrum kerfum HÍ.
Skipulag og tímasetningar
Mikilvægt er að stundakennarar þekki til kennslualmanaks HÍ. Íalmanakinu er að finna allar helstu dagsetningar skólaársins, t.d. upphaf og lok kennsluársins, prófatímabil, sjúkra- og endurtökuprófatímabil o.fl.
Vakin er athygli á að lengd kennslumissera er mislöng eftir sviðum og því er nauðsynlegt að leita upplýsinga hjá deildarskrifstofu/sviðsskrifstofu.
Undirbúningur kennslu
Stundakennurum getur verið heimilt kaupa kennslubækur hjá Bóksölu Stúdenta í fyrsta skipti sem þeir kenna námskeið eða þegar breytingar verða á kennsluefni námskeiðs. Sækja þarf um hjá viðkomandi deild.
Hægt er að lesa um námsmat og próf í greininni Námsmat og próf.