Inspera er rafrænt prófakerfi Háskóla Íslands.
Kennari fer eftirfarandi leið til að skrá sig inn í Inspera sem stjórnandi prófa:
- Setja slóðina https://hi.inspera.com inn í vafra að eigin vali.
- Smella á „Fara yfir á innskráningarsíðu Stjórnenda"
- Smella á „Innskráning með Uglu netfangi"
-
-
- Notandi er spurður hvort hann vilji halda skráningu inn í kerfið virkri. Notanda er í sjálfsvald sett hvorn kostinn hann velur. Þó er vert að geta þess að varhugavert er að halda virkri skráningu á tölvum sem fleiri hafa aðgang að.
-
Að innskráningu lokinni ætti Inspera stjórnborðið að blasa við með aðal flæðilínuna á bláum borða efst með flipunum „Semja", „Stilla", „Vakta" og „Meta" fyrir miðju:
Algeng vandamál við innskráningu
Ég finn hvorki spurningasettin mín né prófin!
...Ég sé heldur ekki flæðilínuna sem talað er um í leiðbeiningum og á stjórnborðinu eru aðeins fliparnir „Próf framundan", „Undangengin próf" og „Prufupróf":
Ástæður: Kennari hefur óvart skráð sig inn sem nemandi. Orsökin gæti líka verið hin annars frábæra „einskráning" (SSO) sem heldur innskráningu okkar virkri milli kerfa háskólans.
Inspera skiptist í tvö svæði; Nemenda og Stjórnenda (kennara). Kennarar hafa aðgang að báðum svæðum.
- Sjálfgefin lending á Inspera síðunni er innskráning nemenda enda mesta umferðin í kerfið þeim megin.
- Ofarlega, hægra megin við miðju er hægt að skipta á milli innskráningu nemenda og stjórnenda með því að smella á „Fara yfir á innskráningarsíðu Stjórnenda“
Lausn: Til þess að færa sig yfir á stjórnendasvæðið er hægt að fylgja eftirfarandi leið:
- Smella á persónu táknið ofarlega í hægra horninu
- Smella á „Skrá út."
- Rita aftur https://hi.inspera.com í vefslóðarreit vafrans.
- Velja „Fara yfir á innskráningarsíðu Stjórnenda"
- Skrá sig inn með Uglu aðgangsupplýsingum
- Notandi er spurður hvort hann vilji halda skráningu inn í kerfið virkri. Notanda er í sjálfsvald sett hvorn kostinn hann velur. Þó skal geta þess að varhugavert er að halda opinni skráningu í tölvum sem fleiri en einn hafa aðgang að.
Ástæður: Internet Explorer vafrinn er í lítilli notkun almennt og m.a. vegna öryggisgalla sem finnast í honum, styður Inspera ekki notkun hans.
Lausn: Nota annan vafra eins og t.d.Chrome,
Firefox,
Edge eða
Safari. Ef enginn þessara vafra er tiltækur á tölvunni má finna þá með leitarvél, hlaða niður og setja upp.
Þegar ég reyni að opna ákveðið próf í Inspera gegnum Uglu koma upp villuskilaboð þess efnis að ég hafi ekki aðgang að prófinu!
Ástæður: Nokkrar ástæður geta legið hér að baki:
- Algengast er að mistök hafi orðið við skilgreiningu aðgangsheimilda að prófinu þegar prófið var stofnað frá Uglu.
- Þegar við stofnum Inspera próf frá Canvas gegnum Uglu þarf að velja þá kennara sem eiga að hafa aðgang að prófinu.
- Sjálfgefið er að nöfn allra skráðra kennara námskeiðsins eru á listanum en mögulega hefur skráning verið röng eða kennari óvart fjarlægður úr þessum reit þegar prófið var stofnað.
- Breytingar á þessum lista eru mögulegar á sama stað og við veljum dagsetningu prófsins, lengd þess o.s.frv. Sjá "Fylla út formið - Stofna nýtt próf".
Lausn:
- Opna Ugluna.
- Smella á „Uglan mín" og „Námskeiðin mín."
- Smella á Inspera merkið, þrípunktana, í næstsíðasta dálk hægra megin við línu námskeiðsins.
- Finna rétt próf í prófalistanum og smella á penna táknið vinstra megin við heiti prófsins.
- Skrolla niður að liðnum „Þeir sem hafa aðgang að þessu prófi hjá Inspera," smella inn í gluggann (hægra megin við síðasta nafnið í listanum) og byrja að skrifa nafnið eða notandanafn.
- Ugla birtir sprettiglugga sem inniheldur nafn/nöfn í lista en nóg er að smella á nafnið til að bæta því við.
- Smella á vista.
- Smella á táknið vinstra megin við penna táknið,
,til að opna prófið inn í Inspera.
Undantekning:
- Nafnið mitt kemur ekki upp í listanum/aðeins nemenda notendanafnið mitt kemur upp í listanum: Hafðu samband við Inspera sérfræðinga Prófaskrifstofu. - sjá Inspera tækniaðstoð.