Gagnageymsla

OneDrive er hluti af Microsoft 365 pakkanum og því er mælt með að sækja hann fyrst til að setja OneDrive upp á vélinni. Hægt er að skoða OneDrive á vefnum á onedrive.hi.is.

1. Byrjaðu á því að finna og opna OneDrive á tölvunni, þú getur farið í starthnappinn (Windows íkonið) niðri í vinstra horninu og skrifað OneDrive:
   
   
2. Skráðu þig inn með HÍ netfanginu þínu (sama og þú notar Í Uglu):
   
   
3. Hér er hægt að velja hvar OneDrive mappan er geymd. Smelltu á "Áfram" nokkrum sinnum:
   
   
4. Hér getur þú valið að afrita gögn úr möppum sjálfkrafa í skýið (eins og af skjáborðinu). Veldu hvort og þá hvaða möppu þú vilt afrita í skýið og haltu svo áfram:
   
   
5. Ef Onedrive býður þér að ná í farsíma forritið þá mátt þú smella á "Seinna":
   
   
6. Smelltu á „Opna OneDrive möppuna mína“ (Open my OneDrive folder) til þess að ljúka uppsetningunni:
   
   
7. Nú opnast OneDrive svæðið. Hér vinstra megin er svo komið svæði fyrir OneDrive möppuna þína. Nú vinnur þú með þetta svæði eins og hvern annan harðan disk eða möppu:
   
   
8. Allt sem þú setur hér undir er nú einnig aðgengilegt á netinu og öðrum vélum sem eru með OneDrive uppsett.
9. Einnig er hægt að opna Onedrive með því að smella á OneDrive íkonið sem er niðri í hægra horninu og "Opna möppu" (Open Folder):
   
   

OneDrive er hluti af Microsoft 365 pakkanum og fylgir ef þú hefur sett hann upp í tölvunni þinni. Einnig er hægt að sækja hann af heimasíðu Microsoft eða ná í það í gegnum Apple App Store. Hægt er að skoða OneDrive á vefnum á onedrive.hi.is

1. Þegar uppsetningu er lokið smellir þú á OneDrive í Applications möppunni eða notar finder search to að finna það:
   
   
2. Uppi í hægra horninu á skjánum birtist tákn „OneDrive“, ský. Smelltu á það og þá birtist glugginn „Set up OneDrive“. Þar skrifar þú HÍ netfangið þitt og smellir á „Sign in“.
   
   
3. Hér velur þú staðsetningu fyrir OneDrive í möppuna. Hér munu öll þau skjöl sem þú geymir í skýinu vera. „Documents“ mappan er sjálfvalin, ef þú óskar að breyta því velur þú „Change Location" og velur nýja möppu og/eða smellir á „Next":
   
   
4. Næst koma nokkrir gluggar sem kynna þig fyrir OneDrive. Smelltu á „Next“ í hverjum glugga til að halda áfram:
   
   
5. OneDrive býður þér síðan að sækja OneDrive fyrir snjallsíma. Best er að gera það í snjallsíma, en ekki í tölvu. Veldur því „Later":
   
   
6. Þá er OneDrive tilbúið. Þú finnur OneDrive möppuna í „Finder“. Nafnið á henni er „OneDrive - Menntaský“. Þú getur opnað hana núna með því að smella á „Open OneDrive folder".
   
   

Hér fyrir neðan er sýnt hvernig þú nærð í hugbúnaðinn og setur hann upp á Android eða iOS.

1. Leitaðu að "Microsoft 365" í gegnum Play Store (Android) eða App Store (iPhone & iPad), og smelltu á "Install" eða "Get".
2. Þegar tækið er búið að hlaða niður appinu þá skaltu keyra það.
3. Skráðu þig inn í appið með HÍ netfanginu þínu.

Þegar þú ert búin að skrá þig inn þá getur þú byrjað að nota appið.

Word, Excel, PowerPoint og Onedrive er allt byggt inn í Microsoft 365 appið en athugaðu að það er líka til sér OneDrive app sem hægt er að ná í á Play Store (Android) eða App Store (iPhone & iPad).

Þú þarft ekki neina sérstaka uppsetningu til að nálgast gögn og deila í vafra. Við mælum þó með því að á ykkar vélum hafið þið OneDrive hugbúnaðinn uppsettann.

En oft þurfið þið að nálgast gögnin ykkar í vafra á vélum sem ekki eru með OneDrive uppsett og þá er það gert svona.

1. Farið á onedrive.hi.is og skráið ykkur inn með Uglu notandanafninu ykkar ef það er beðið um það. Einnig er alltaf hægt að smella á punktana efst í vinstra horninu ef þið eruð á einhverri Office síðu og valið þar OneDrive:

Það er hægt að sjá öll skjöl allra hópa sem þú hefur aðgang að í tölvunni þinni. Hér að neðan er sýnt hvernig þú gerir þessi skjöl sýnileg í Windows.

1. Farðu inn á onedrive.hi.is og skráðu þig inn.
2. Staðsettu hópinn undir "Quick Access" ef hópurinn er ekki á þessum lista smelltu þá á „More places“
3. Smelltu hér á „Sync“ til að sjá þessi gögn á vélinni þinni:
   
   
4. Þessi gluggi eða annar álíka kemur upp á skjáinn hjá þér. Smelltu á „Open Microsoft OneDrive“:
   
   
5. Smelltu á "Close".
   
   
6. Þú finnur hópinn nú í Windows undir „Menntaský“. Þar birtast allir þeir hópar sem þú hefur valið að tengja við tölvuna, í MacOS sést hópurinn í OneDrive möppunni.
   
   

Sjálfgefið þá sérðu öll þau skjöl sem eru í hópunum en þau eru þó ekki geymd á tölvunni þinni nema þú biðjir um það. Það gerir þú með því að hægrismella á viðkomandi hóp (eða möppu(r) og skjöl inn í þeim hóp) og velur „Always keep on this device“.

OneDrive-forritið býður upp á þann innbyggða möguleika að taka sjálfvirkt afrit af "Skjáborð" (Desktop), "Skjöl" (Documents) og "Myndir" (Pictures) möppunum yfir á OneDrive-skýið. Athugið að afritunin tekur allt sem er í möppunum og ekki er hægt að velja einstakar skrár.

Til að virkja þann möguleika þá þarf að framkvæma eftirfarandi skref:

1. Hægrismellið á OneDrive skýið.
   Smellið svo á tannhjólið og "Stillingar" (Settings).
   
   
2. Veljið "Samstilling og öryggisafritun" (Sync and back up) flipann í glugganum sem birtist og í framhaldi smellið á "Stjórna öryggisafritun" (Manage backup).
   
   
3. Veljið "Skjáborð" (Desktop), "Skjöl" (Documents) og/eða "Myndir" (Pictures) til að taka afrit af þeim möppum. Að vali loknu er smellt á "Vista breytingar" (Save changes) til að hefja sjálfvirku afritunartökuna.
   
   

Hér er smá yfirlit yfir hvað OneDrive táknin þýða. Fyrir betra yfirlit skoðið vefsíðu Microsoft's:

• Ský: Þessi gögn eru aðeins geymd á netinu, þegar þú smellir á gögnin þá nær tækið í þau.
• Grænn hringur (ófylltur) með grænu gátmerki: Þessi gögn eru aðeins aðgengileg á tækinu.
• Fylltur grænn hringur: Þessi gögn eru aðgengileg bæði á tækinu og í skýinu.
• Rautt X: Þessi gögn hafa ekki verið hlaðin upp útaf villu, þú getur séð villuna með því að smella á OneDrive á verkstikunni.
• Grátt ský með strik í gegn á verkstikunni: Þú ert ekki innskráður í OneDrive, smelltu á OneDrive á verkstikunni.
• Örvar í hring: OneDrive er að hlaða þessi gögn upp í skýið.
• Manneskja: Þessum gögnum hefur verið deilt með öðrum.
• Pásu hikmerki: Skrár eru ekki að samstillast (synca), haltu áfram að samstilla með því að smella á OneDrive á verkstikunni og smella á "Halda samstillingu áfram".

Onedrive og Teams teymi (sem eru stillt á "Gesti" en ekki "Innri") bjóða upp á þann valmöguleika að leyfa aðilum að hlaða inn skjölum beint inn í skýið hjá viðkomandi/teyminu án þess að gefa þeim aðgang að möppunni:

1. Opnaðu OneDrive.hi.is og veldu "My files" eða veldu teymið og "Files".
2. Hakaðu við möppuna sem þú vilt nota og smelltu síðan á "Request Files".
   
   
3.  Nú þarf bara að slá inn hvaða skjal þú ert að biðja um og senda á viðtakanda.

Ef þú vilt loka fyrir upphleðslu í möppuna þá smellir þú á þrípunktinn fyrir aftan hana, velur "Manage access" og eyðir hlekknum.

Hægt er að sækja allar skrár af OneDrive á tækið eða eyða öllum skrám sem eru vistuð á tækinu (þetta eyðir ekki þeim eintökum sem eru í skýinu) með því að gera eftirfarandi:

1. Smella á Onedrive táknið, næst skaltu smella á tannhjólið og "Stillingar" (Settings).
   
   
2. Neðst á "Samstilling og öryggisafritun" (Sync & backup) undir "Ítarlegar stillingar" (Advanced settings) finnur þú eftirfarandi valkosti:     
   • "Losa diskapláss" (Free up disk space): Þessi valmöguleiki eyðir þeim eintökum sem eru vistuð á tækinu, þessi gögn eru þó ennþá til í skýinu ef gögnin hafa verið hlaðin upp.
   • "Sækja allar skrár" (Download all files): Þessi valmöguleiki sækir öll gögn af Onedrive á tækið.
     
     

Ef þú gögn glatast þá getur þú reynt eftirfarandi:

• OneDrive
  • Opnaðu onedrive.hi.is og smelltu þar á ruslatunnuna.
  • Opnaðu onedrive.hi.is. Veldu Mínar skrár (My files) og smelltu á þrípunktinn fyrir aftan skjölin eða hægri smelltu á þau til þess að skoða fyrri útgáfur af þeim (version history).
  • Hægt er að endurheimta OneDrive eins og það var fyrir x dögum ef skjalið er týnt og ekki í ruslatunnunni. Við mælum þó með að athuga að öðrum eintökum á tölvunni fyrst. Opnið onedrive.hi.is, smellið á tannhjólið og veljið "Restore your OneDrive".
• SharePoint:
  • Opnaðu sharepoint.hi.is. Veldu teymið og smelltu á ruslatunnuna.
• Windows:
  • Opnaðu skrá. Veldu "Þessi tölva" (This PC) vinstra megin og leitaði að skjalinu.
  • Ef þetta er Word/Excel/PowerPoint skjal opnaðu þá forritið. Smelltu á Skrá (File) → Uppl. (Info) → Stjórna skjali (Manage Document) → Endurheimta skjöl sem ekki voru vistuð (Recover Unsaved Documents).
  • Ef þetta er Word/Excel/PowerPoint skjal opnaðu þá skrá og farðu á slóðina "C:\Users\Notandanafn\AppData\Local\Microsoft\Office\UnsavedFiles" (skiptu notandanafn út fyrir þitt nafn á tölvunni).
  • Athugið ruslatunnuna á tölvunni.
• MacOS:
  • Haltu niðri SHIFT + COMMAND + C og leitaðu að skjalinu þar. Ef það tekst ekki leitaðu á sama stað að "autorecovery".
  • Athugaðu ruslatunnuna á tölvunni.

Ef slóðin að skjalinu er lengri en 255 stafir þá mun OneDrive ekki geta hlaðið því upp í skýið. Þar meðtalið er  heitið á möppunum sem skjalið er vistað í og nafnið á skjalinu.