Námsmat og próf

Um lokapróf gilda ýmsar reglur og hefðir sem lesa má um á heimasíðu HÍ. í
Á síðunni má einnig finna hagnýtar upplýsingar um prófatímabil, fyrirkomulag fjarprófa, próftöflur og margt fleira. Einnig má finna hagnýtar upplýsingar um próf á síðu Setbergs um próf.

Nemendur geta sótt um að taka próf á öðrum stað en HÍ, t.d. vegna dvalar erlendis. Sjá Fjarpróf. Fylla þarf út umsókn um breytingu á prófstað, Miðstöð fjarprófa heldur utan um fjarpróf HÍ.

Nemandi skal tilkynna veikindi, eigi síðar en þremur dögum eftir prófdag, með tölvupósti frá hi-netfangi sínu til nemskra@hi.is. Sjúkra-og endurtökupróf fyrir haustmisseri eru haldin síðustu daga fyrir jól og fyrstu daga eftir áramót og miðast sú dagsetning við hvenær upphaflega prófið var haldið. Próf vegna vormisseris eru haldin á fjögurra til fimm daga tímabili í lok maí/byrjun júní, samkvæmt nánari ákvörðun prófstjóra.
Tímasetningar og framkvæmd sjúkra- og endurtökuprófa geta þó í einstaka tilfellum verið misjöfn milli deilda og sviða og er hægt að leita til deildarskrifstofu með fyrirspurnir. Í kennslualmanaki er hægt að sjá nákvæmar dagsetningar. Nemendur greiða 6000kr gjald fyrir hvert endurtökupróf. 

Á prófdegi er mælst til þess að kennarar líti við hjá nemendum í prófsal. Prófstaður nemenda sem njóta sérúrræða við próftöku er ekki sá sami og annarra nemenda og þurfa kennarar að kynna sér það sérstaklega. Prófstofur eru auglýstar á heimasíðu HÍ.

Einkunnir skulu birtar í síðasta lagi tveimur vikum eftir hvert próf. Sami skilafrestur gildir fyrir námskeið sem lýkur án skriflegs prófs og fyrir próf og verkefnaskil sem fram fara utan reglulegra próftímabila.

Nemendur eiga rétt á því að fá að skoða eldri prófverkefni sem lögð hafa verið fyrir. Kennurum ber að veita nemendum aðgang, þ.e. sýna en ekki afhenda afrit að eldri verkefnum sé eftir því leitað. 

Teljir þú að brotið sé á rétti þínum varðandi kennslu, próf, námsmat, einkunnagjöf, mat á námsframvindu eða annað sem snýr að kennslu og prófum skaltu senda skriflegt erindi til deildarforseta.

Sjá nánar í kennsluskrá, um ferli kvartana og kærumála.

Ef leiðrétta þarf birta einkunn skal hafa samband við viðkomandi deild.