Tölvuver

Í tölvuverum UTS geta einstaklingar með notandanafn fengið afnot af tölvubúnaði, hugbúnaði, prentþjónustu og háhraða internettengingu.

Notendur skrá sig inn á vélarnar með sama notendanafni og lykilorði og notað er í Uglu.

Beiðnir um tímabókanir í tölvuver fyrir námskeið eða ráðstefnur skal senda á netfangið kennslustofur@hi.is eða hafa samband við Þjónustuborð Háskólatorgs í síma 525 5800.

Hægt er að fylgjast með hvar eru lausar tölvur á eftirfarandi síðu: http://labstats.hi.is/

Í Uglu undir Tölvuþjónusta → Tölvuver → Stundatöflur tölvuvera er hægt að sjá stundatöflur tölvuvera og þannig skipulagt fyrirfram hvaða tölvuver þið viljið nota á ákveðnum tímum.

Reglur um umgengni í tölvuverum:

• Sýnið tillitsemi gagnvart öðrum notendum!
• Óheimilt er að neyta matar og drykkjar í tölvuverum. Hins vegar má vera með drykki í lokuðum fjölnota ílátum.
• Gangið snyrtilega um og takið til eftir ykkur áður en þið yfirgefið tölvuver !
• Óheimilt er að “taka frá” tölvu á einn eða annan hátt. Ef notandi yfirgefur tölvu í lengri tíma er öðrum notendum frjálst að yfirtaka hana, þó svo forrit séu í gangi á tölvunni.
• Óheimilt er að skilja tölvu eftir opna ef farið er frá henni.
• Notkun farsíma er óheimil öðrum en starfsfólki Háskólans.
• Rýmið tölvuver tafarlaust þegar húsinu er lokað og þegar kennarar eða annað starfsfólk HÍ óska þess.
• Notkun tölvubúnaðar UTS til tölvuleikja er ekki bönnuð, en sú almenna regla gildir að iðkendur tölvuleikja skuli víkja athugasemdalaust fyrir öðrum notendum ef um það er beðið.

Verði nemandi uppvís að broti á ofangreindum reglum, má hann eiga von á tafarlausri brottvísun úr tölvuveri.

Hér má lesa almennar húsreglur Háskóla Íslands.

Tölvuver má finna víðsvegar á háskólasvæðinu:

• Askja 166.
  • 25 tölvur og litaprentari með skanna.
  • Hugbúnaður í tölvum.
• Askja 264 (kortastofa).
  • 12 tölvur en enginn prentari.
  • Hugbúnaður í tölvum.
• Árnagarður 318.
  • 20 tölvur og svarthvítur prentari með skanna.
  • Hugbúnaður í tölvum.
• Gimli 136a.
  • 39 tölvur og litaprentari með skanna.
  • Hugbúnaður í tölvum.
• Háskólatorg 302 (Aðgengisetur).
  • 11 tölvur og svarthvítur prentari.
  • Hugbúnaður í tölvum.
• Háskólatorg almenningstölvur.
  • 5 tölvur og svarthvítur prentari.
• Oddi 102.
  • 19 tölvur og svarthvítur prentari með skanna
  • Hugbúnaður í tölvum.
• Oddi 301.
  • 39 tölvur og svarthvítur prentari.
  • Hugbúnaður í tölvum.
• Stakkahlíð (Smiðja).
  • 3 tölvur og enginn prentari.
  • Hugbúnaður í tölvum.
• Veröld 230 og 231. Hægt er að opna á milli herbergjanna.
  • Í stofu 230 eru 7 tölvur, í stofu 231 eru 17 tölvur og svarthvítur prentari.
  • Hugbúnaður í tölvum.
• VR-II 260.
  • 8 tölvur og svarthvítur prentari með skanna.
  • Hugbúnaður í tölvum.
• Þjóðarbókahlaða 3. hæð.
  • 8 tölvur og svarthvítur prentari.
  • Hugbúnaður í tölvum.
• Þjóðarbókahlaða 4. hæð.
  • 8 tölvur og enginn prentari.
  • Hugbúnaður í tölvum.

Ef eitthvað bilar í tölvuverunum þá er hægt að láta vita í gegnum Uglu undir Tölvuþjónusta → Tölvuver og kennslustofur → Tilkynning um bilun.

Aðeins starfsfólk getur beðið um uppsetningu á hugbúnaði í tölvuverum, það er gert í gegnum Uglu undir Tölvuþjónusta → Tölvuver og kennslustofur → Beiðni um uppsetningu hugbúnaðar.

Þú ert brautskráður nemandi og hefur misst aðgang að tölvuverunum. Þú getur séð stöðuna þína inn á Uglu undir Uglan mín → Námskeiðin mín.
Ef þú ert nemandi en skráður sem brautskráður þá verður þú að tala við Nemendaskrá eða deildina þína. Ef þú vinnur fyrir skólann þá verður þú að biðja um nýtt notendanafn frá deildinni þinni

Tölvan getur ekki tengst netinu. Oftast virkar að enduræsa tölvunna með því að halda niðri power takkanum og kveikja síðan aftur á tölvunni. Ef það virkar ekki látið þá vita í gegnum Uglu undir Tölvuþjónusta → Tölvuver og kennslustofur → Tilkynning um bilun.