Nemendur í grunnnámi geta sótt um breytingu á námsleið í sinni Uglu.
Hægt er að skoða yfirlit yfir allar námsleiðir í boði við háskólann á vefnum, en athugið að það getur verið misjafnt milli missera hvort tekið er við nýjum nemendum í námsleiðir.
Umsókn um breytingu á námsleið
Nemendur í framhaldsnámi sem hafa hug á að breyta námsleið þurfa að skila inn nýrri námsumsókn á almennum umsóknartíma framhaldsnáms í gegnum umsóknagátt.
Breyting á kjörsviði / skrá aukagrein
Ef þú vilt breyta kjörsviði innan námsleiðar eða skrá aukagrein sendirðu tölvupóst á Nemendaskrá.
Rjáðgjöf við námsval
Hjá Nemendaráðgjöf (NHÍ) starfa náms- og starfsráðgjafar sem veita meðal annars upplýsingar um nám og ráðgjöf um námsval. Ef þig vantar aðstoð með námsval þá getur þú bókað viðtal við ráðgjafa á vefnum. Við mælum einnig með að skoða námsvalshjólið.
Hvað þarf ég að hafa í huga þegar ég sæki um breytingu á námsleið?
Þegar umsókn um breytingu á námsleið í grunnnámi er samþykkt er fyrri námsferli lokað og nýr námsferill kemur upp í Uglu nemanda. Umsókn um breytingu á námsleið er alla jafna ekki afgreidd fyrr en öll námskeið á fyrri ferli hafa fengið einkunn í Uglu eða nemandi skráð sig úr þeim.
Nemandi í framhaldsnámi sem sótt hefur um í nýtt framhaldsnám þarf að óska sérstaklega eftir því að fyrri ferli sé lokað ætli hann sér ekki að ljúka því námi.