Háskólinn hvetur nemendur og starfsfólk til að nýta vistvæna samgöngumáta í ferðum til og frá háskólasvæðinu, hvort sem er reiðhjól, rafskútur, strætó eða tvo jafnfljóta.
Samgöngusamningur starfsfólks HÍ
Starfsfólk sem er í minnst 50% starfshlutfalli getur gert samgöngusamning. Samningurinn felur í sér skuldbindingu til að ferðast til og frá skólanum í strætó, hjólandi eða gangandi þrisvar í viku. Á móti fær starfsfólk niðurgreitt tólf mánaða strætókort eða frítt aðgangskort í íþróttahús HÍ við Sæmundargötu. Sjá frekari upplýsingar í Uglu.
Strætó á háskólasvæðinu
- Strætisvagnar stoppa við flestar byggingar skólans.
- Á Háskólatorgi er skjár sem sýnir staðsetningu vagna í rauntíma ásamt komum og brottförum á stoppistöðvum Háskólans við Suðurgötu og Hringbraut.
Á Þjónustuborðinu Háskólatorgi er hægt að kaupa klappkort og klapp tíur.
- Klappkort er tómt snjallkort sem hægt er að fylla á inneign í gegnum vef Klappsins fyrir þá sem vilja frekar nota kort heldur en app í strætó.
- Klapp tía er pappaspjald með tíu fargjöldum. Ekki er hægt að fylla á Klapp tíur og þær eru ekki með nemaafslætti.
Kynntu þér leiðakerfið og tímatöflur á vef strætó.
Hjólastandar og skýli
Hjólastandar eru við allar byggingar skólans auk þess sem finna má yfirbyggt hjólaskýli við Lögberg og VR II. Við Háskólatorg, VR II og í Stakkahlíð er enn fremur að finna viðgerðastanda ef eitthvað smálegt þarf að laga á hjólinu þínu.
Göngu- og hjólastígakerfi höfuðborgarsvæðisins
Samnýting ferða
Þeir sem hafa áhuga á að samnýta ferðir (carpooling) er bent á smáauglýsingar í Uglunni.
Á næstu misserium verður gjaldskylda bílastæða á háskólasvæðinu aukin.
Deilibílar og -hjól fyrir starfsfólk HÍ
Starfsfólki stendur til boða afnot af rafbifreiðum og -hjólum til að sinna vinnutengdum erindum á höfuðborgarsvæðinu. Bifreiðarnar eru staðsettar við Háskólatorg, Tæknigarð, Öskju, Læknagarð og Stakkahlíð og hjólin eru geymd í Aðalbyggingu og Stakkahlíð.
Bókanir fara fram í Uglu.