Aðgangur í Háskólaræktina kostar 12.000 krónur fyrir háskólaárið. Nemendur og starfsfólk HÍ geta keypt aðgang á Þjónustuborðinu á Háskólatorgi. Aðgangur gildir í alla auglýsta tíma, í tækjasal og gufubað. Notendur fá ekki afhent kort heldur er hlið í anddyri þar sem hægt er að skrá sig inn.
Starfsfólk sem er í minnst 50% starfshlutfalli getur gert samgöngusamning. Samningurinn felur í sér skuldbindingu til að ferðast til og frá skólanum í strætó, hjólandi eða gangandi þrisvar í viku. Á móti fær starfsfólk niðurgreitt tólf mánaða strætókort eða frítt aðgangskort í íþróttahús HÍ við Sæmundargötu. Sjá frekari upplýsingar í Uglu.
Dagskrá í sal á haustmisseri 2024
Afgreiðslutími:
Mánudaga - fimmtudaga: 7:00 - 22:00
Föstudaga: 7:00 - 20:00
Laugardaga: 8:00 - 18:00
Íþróttahúsið er lokað á hátíðisdögum, yfir jól og áramót og sex vikur á miðju sumri.
Íþróttahúsið er eingöngu opið nemendum og starfsfólki Háskólans.
Já, hægt er að leigja íþróttasalinn fyrir lokaða hópa á opnunartíma íþróttahússins.
Leigan fyrir 45 mín:
- 3000 kr. milli 07:00 - 16:00 á virkum dögum
- 4000 kr. eftir kl 16:00 og um helgar
Óskað er eftir bókun með því að senda póst á ithrottahus@hi.is. Ef tíminn sem óskað er eftir er laus þarf að greiða gjaldið á Þjónustuborðinu Háskólatorgi.
Þú sendir tölvupóst á netfangið ithrottahus@hi.is.
Íþróttahúsið er gamalt og því miður ekki vel útbúið fyrir hjólastóla. Þar eru háir þröskuldar og engin lyfta.
Aðgangur í íþróttahús HÍ miðar við háskólaárið, en eftir áramót er hægt að kaupa aðgang fyrir vormisseri á 6.000 kr.
Kort og þjálfun
