Kennarar við Háskóla Íslands bera ábyrgð á að kennslubækur séu skráðar og aðgengilegar nemendum. Ef engin bók er á bókalista, veitir kennari upplýsingar um bækur í síðasta lagi í fyrsta kennslutíma.
Kennarar bera einnig ábyrgð á að kennslubækur séu fáanlegar í Bóksölu Stúdenta, ef þess er óskað. Beiðni skal senda á innkaupastjóra Bóksölunnar til að fá innkeypta bók.
Mikilvægt er að kennslubækur séu skráðar í kennsluskrá HÍ og á kennsluáætlun námskeiðsins í Canvas. Ef bækurnar fást ekki í Bóksölu Stúdenta þarf kennari að veita upplýsingar um hvar nemendur geti nálgast þær.
Kennarar geta tekið frá bækur, ítarefni og uppflettirit á Námsbókasafni Þjóðarbókhlöðunnar. Nemendur geta þá notað bækurnar á staðnum eða fengið að láni í takmarkaðan tíma.